મહુવાથી 13 કિલોમીટર દૂર તરેડી ગામ પાસે પ્રકૃતિની ગોદમાં ભક્તોની ધાર્મિક આસ્થા ધરાવતું ભેંસલા હનુમાનજી દાદા નુ મંદિર આવેલું છેજ્યાં અસંખ્ય ભાવિક ભક્તો પોતાની મનોકામના લઈને હનુમાનજી દાદા ના દર્શને આવે છે અને હનુમાનજી દાદા તેમની મનોકામના પૂર્ણ કરે છે એવું અહીંના સ્થાનિક લોકોનું માનવું છે. આવું આસ્થાનું પ્રતીક આ મંદિર લગભગ 700 વર્ષ કરતા પણ વધુ પૌરાણિક છે અહીયાં ગુરુ શ્રી ગોવિંદદાસ બાપુ પછી ગુરુ શ્રી શ્યામદાસ બાપુ હતા અને હાલમાં ગુરુ શ્રી મનોહરદાસ બાપુ બિરાજે છે.અહિયાં રામનવમી,હનુમાન જન્મોત્સવ,દિવાળી તથા અન્ય ધાર્મિક તહેવારો ખૂબ જ ધામધૂમથી ઉજવવામાં આવે છે હનુમાન જન્મોત્સવના દિવસે હનુમાન યજ્ઞ તથા સમૂહ મહાપ્રસાદનું આયોજન દર વર્ષે કરવામાં આવે છે જેમાં તરેડી ગામ તથા આજુબાજુના ગામના અસંખ્ય ગ્રામજનો ભાવિક ભક્તો સાધુ સંતો આ યજ્ઞ તથા મહાપ્રસાદ નો લાભ લે છે અને ધન્યતા અનુભવે છે..
