Corona vaccine Covishield : જો તમે પણ કોવિડ-19ને (COVID- 19) રોકવા માટે કોવિશિલ્ડ રસી (Covishield vaccine) લીધી હોય, તો આ સમાચાર તમારા માટે છે કારણ કે આ કંપનીએ પોતે કોર્ટમાં સ્વીકાર્યું છે કે આ રસીની કેટલીક આડઅસર છે જેનાથી મૃત્યુનું જોખમ વધી શકે છે.
કોવિશિલ્ડ વેક્સિનથી થઈ શકે છે હાર્ટ એટેક !
નોંધનીય છે કે, 2020 માં, કોવિડ -19 ના સૌથી ખતરનાક રોગચાળાને કારણે ચેપ અને મૃત્યુના ઝડપથી વધી રહેલા કેસોને રોકવા માટે, વિશ્વની તમામ ફાર્માસ્યુટિકલ કંપનીઓ તેની રસી તૈયાર કરવામાં લાગી ગઈ હતી, જેમાં ભારતે બે કંપનીઓ દ્વારા બનાવવામાં આવેલી રસીઓ પર વિશ્વાસ મૂક્યો હતો. બ્રિટિશ ફાર્માસ્યુટિકલ કંપની એસ્ટ્રાઝેનેકા અને ભારત બાયોટેકની સ્વદેશી કંપની તેમાં સામેલ હોવાનું દર્શાવવામાં આવ્યું હતું.
તમને જણાવી દઈએ કે વિશ્વના સૌથી મોટા રસીકરણ અભિયાન હેઠળ, 2022 સુધીમાં 1.7 અબજ લોકોને કોવિશિલ્ડ રસી આપવામાં આવી હતી. કોવિશિલ્ડ રસી લગાવ્યા પછી તેની આડઅસરો અંગે ઘણી વખત મુદ્દાઓ ઉઠાવવામાં આવ્યા હતા, પરંતુ કંપનીએ તેને ક્યારેય જીવલેણ માન્યું ન હતું.
પરંતુ તમને જણાવી દઈએ કે, હવે આ વેક્સીન બનાવનારી કંપની એસ્ટ્રાઝેનેકાએ કોર્ટ સમક્ષ સ્વીકાર્યું છે કે, કોવિડ -19 વેક્સિનના કારણે થ્રોમ્બોસાયટોપેનિયા સિન્ડ્રોમ (TTS) જેવી સાઈડ ઈફેક્ટ થઈ શકે છે.
TTS શું છે?
તમને જણાવી દઈએ કે ટીટીએસનું પૂરું નામ થ્રોમ્બોસાયટોપેનિયા સિન્ડ્રોમ છે, જેના કારણે શરીરમાં લોહી ગંઠાવા (Blood Clot) લાગે છે. તેમજ શરીરમાં પ્લેટલેટ્સ ઝડપથી ઘટવા લાગે છે. આમ શરીરમાં લોહી ગંઠાઈ જવાના કારણે બ્રેઈન સ્ટ્રોક અથવા હાર્ટ એટેકનું જોખમ વધી જાય છે.
TTS ના લક્ષણો શું છે?
જો તમે પણ કોવિશિલ્ડ રસી લીધી હોય અને તેના કારણે તમને TTS ( થ્રોમ્બોસાયટોપેનિયા સિન્ડ્રોમ) હોય, તો
નીચે મુજબના લક્ષણો તમારા શરીરમાં જોવા મળી શકે છે.
તીવ્ર અથવા સતત માથાનો દુખાવો,ઝાંખી દ્રષ્ટિ,શ્વાસ લેવામાં તકલીફ,છાતીનો દુખાવો,પગમાં સોજો આવવો,સતત પેટમાં દુખાવો રહેવો,ત્વચા પર નાની ફોલ્લીઓ થવી જો આ કેટલાક લક્ષણો છે તમારામાં દેખાય તો તમને પણ TTS હોઈ શકે છે.
